«Ingunn» har forlatt oss og trekt nordover. Sjølv om det er meldt dårleg vêr dei neste dagane så er dei tidlegare farevarsla raudt og deretter oransje ikkje lenger gjeldande. Tidlegare råd/tiltak som mellom anna heimekontor, stenging av fritidsaktivitetar kan såleis opphevast.
Tidlegare publiserte meldingar (ikkje lenger gjeldande):
Aukra kommune støttar seg på prognose frå Meterologisk institutt der farevarsel er nedjustert frå raudt til oransje. Frå torsdag kl 04 er farevarselet ytterlegare nedjustert.
Skole- og barnehage vil halde opent torsdag. Basert på vêrvarselet frå Meteorologisk institutt er det gjort vurderingar som tilseier at det vil gå normal skoleskyss i Møre og Romsdal frå torsdag morgon.
Kriseleiinga vil følgje og vurdere situasjonen vidare gjennom døgnet.
Oppdatert informasjon per 31.01.2024 kl. 10.00
Aukra kommune si kriseleiing er satt i beredskap og følgjer utviklinga nøye. Ved behov vil det komme ny informasjon. Følg med på kommunen si heimeside.
Kommunen skal delta i møte med Statsforvaltaren i løpet av onsdag og vil publisere ny informasjon i etterkant av dette møtet.
Her kan du sjå oppdaterte meldingar frå Meterologisk institutt
Informasjon publisert tysdag 30.01.2024:
Det er varsla ekstremt kraftige vindkast (raudt nivå) for ytre strok i Møre og Romsdal. Frå onsdag ettermiddag til torsdag morgon kan det ventast orkan på kysten. Etter møte med Statsforvaltar i dag er alle kommunar og aktørar innan veg, straum og infrastruktur satt i beredskap.
Aukra kommune har satt krisestab og satt teknisk sektor, skole, barnehage og heimetenesta i beredskap.
Aukra kommune gir følgjande råd:
- Dei som kan ta heimekontor bør gjere det
- Heimetenesten vil halde kontakt med sine brukarar
- Dagsenter vert stengt onsdag, truleg også torsdag
- All aktivitet på dag og kveld i lag og foreninger onsdag og torsdag morgen bør ikkje gjennomførast
- Skole og barnehage og SFO vil vere opne onsdag. Kriseleiinga vil følgje utviklinga gjennom onsdagen og vurdere eventuelle nye tiltak i høve torsdag.
Myndigheitene anbefaler at dei som er i området:
- Følgjer råd frå beredskapsmyndigheiter
- Følgjer råd frå Statens Vegvesen og sjekkar vegmeldingar (175.no) dersom du MÅ kjøyre
- Følg råd og sjekk status frå transportaktørar
- Gjer heimen din klar for eit potensielt lengre straumbrot
- Ver forsiktig ved ferdsel i strandsona og på sjøen
- På førehand vurdere tiltak for å avgrense skade
Aukra kommune ber alle følgje utviklinga gjennom kommunen si heimeside, media og aktuelle offentlege aktørar som statsforvaltar sine heimeside.
Vi ber alle vere merksam og ta i vare seg og sine.