Ta kontakt med kommunen for å avklare om du må sende byggesøknad.

Sjekk om du kan bygge utan å søke ved å gå inn på Direktoratet for byggkvalitet sine sider. 

Før du bygger, river eller endrar må du ta kontakt med kommunen for å finne ut kva planar og avgjerder som gjeld for eigedomen din. Planar og avgjerder er avgjerande for kva du kan gjere av endringar og kva du kan bruke bygget på eigedomen din til.

Du kan også sjekke planar på kommunekartet sjølv.

Før du går i gang med eit prosjekt, kan du kontakte saksbehandlar for å få svar på spørsmål om byggetiltaket.

Legg ved eit kort skriv om kva du søker om. Du må også grunngje eventuelle dispensasjonar. 

Du kan også bruke søknadsskjemaet "Søknad om tillatelse til tiltak utan ansvarsrett".

Du kan bruke eit enklare søknadsskjema for mindre byggeprosjekt som garasje, bod, tilbygg og bruksendring.

Teikningar og kart

• Eit situasjonskart der du har teikna inn kva du skal bygge
• Målsette plan-, snitt- og fasadeteikningar
• Teikningar som viser sist godkjente situasjon. Det finn du ved å kontakte kommunen. 

Berekningar av utnyttingsgrad

Kor mykje du kan bygge på eigedomen din, avheng av kva reguleringsinstruksane tillèt av utnytting, og kor mykje som er bygt på eigedomen frå før. Dersom du skal gjere endringar som fører til auka bygningsvolum på eigedomen, må du berekne den nye utnyttingsgraden.

For å rekne ut dette, må du finne ut av kor store gjeldande bygningar på tomta er. Du kan bruke godkjente teikningar for eigedomen din. Eller måle opp dei bygningane og konstruksjonane som skal reknast med.

Ved enkle spørsmål, kan vi rettleie deg, og ved kompliserte utrekningar tilrår vi å ta kontakt med fagfolk. 

Eventuelle dispensasjonar frå lov, planar eller føresegner.

Dersom tiltaket er i strid med lov, plan eller forskrift, må du søke om dispensasjon frå føresegnene. Du kan ikkje søke om dispensasjon frå saksbehandlingsreglar.

Les meir om dispensasjonar

Eventuell avkøyringsplan

Dersom du skal endre, opprette eller endre bruken av ein avkøyrsel i samband med ei byggesak, må du sende inn ein avkøyrselsplan saman med byggesøknaden. Dette gjeld større bruksendringar, oppføring av nybygg eller oppretting av fleire bustader.

Les meir om avkøyrslar

Eventuell uttale frå andre myndigheiter

I nokre saker må du skaffe løyve eller samtykkje frå andre delar av kommunen eller andre styresmakter. Dette kan vere nødvendig i følgjande samanhengar:

• tilknyting til vatn og avløp 
• oppretting eller endring i arbeidsplassar
• freda eigedom eller arkeologiske fornminne 
• biologisk mangfald

Eventuell tiltaksplan for graving og forureining

Dersom tiltaket medfører graving, og det er mistanke om forureining i grunnen, må det bli teke grunnundersøkingar. Ein tiltaksplan blir send til oss for godkjenning.

Eventuelt annan dokumentasjon

Nokre reguleringsplanar stiller krav til ekstra dokumentasjon. Ta kontakt med kommunen for meir informasjon. 

Du må varsle naboane dine. Dette kan du lese meir om på Direktoratet for byggkvalitet si side. På denne sida finn du og skjema for nabovarsel.

Søk via Dibk sine sider eller last ned søknadsskjema for di byggesak på dibk.no

Søknaden sender du til Aukra kommune