Vilkåra som må vere oppfylt for å kunne drive på tidlegare eigars bevilling i ein overgangsperiode

• Kommunen må få beskjed om at det har skjedd ei overdraging av verksemda og at du ønskjer å ta i bruk tidlegare eigars bevilling.
• Du må søkje om ny bevilling innan lovbestemte tidsfristar:
  • Etter serveringslova må du søkje om ny bevilling innan 30 dagar etter at du inngjekk avtale om overdraging.
  • Etter alkohollova må du søkje om ny bevilling innan 30 dagar etter sjølve overdraginga.
  • Vær merksam på at du må overhalde serveringslova sin frist, dersom du skal overta ein skjenkestad, sidan ein skjenkestad alltid har både serverings- og skjenkebevilling.
• Det må ligg føre eit rettsleg suksesjonsforhold mellom tidlegare og noverande eigar

Kva er eit eigarskifte?

Eksemplar på kva som vert rekna som eigarskifte:

• Kjøps- eller salssituasjon mellom to avtalepartar
• Vesentlege endringar i eigarandelar i selskapet som innehar bevillinga
• Skifte mellom selskap i same konsern
• Skifte av selskapsform (sjølv om eigarinteressene heilt eller delvis er dei same som før)

Korleis melde frå til kommunen

Du kan sende ein e-post til post@aukra.kommune.no eller eit brev til Aukra kommune, der du melder om eigarskifte.

• Serveringsbevilling: Du må søkje om ny bevilling innan 30 dagar etter at du inngjekk avtale om overdraging.
• Salsbevilling for alkohol: Du må søkje om ny bevilling innan 30 dagar etter sjølve overdraginga.
• Skjenkebevilling: Du må søkje om ny bevilling innan 30 dagar etter sjølve overdraginga.