Kven kan søkje om stimuleringstilskot til landbruket?

Alle aktive landbruk i Aukra kommune kan søkje om stimuleringstilskot.

Kva kan du få stimuleringstilskot til?

• Tiltak for rensking eller senking av kanaler (opne grøfter)
• Vedlikehaldsgrøfting
• Skjøtsel av leplantefelt – spesielt knytt til dyrkamark
• Nydyrking
• Gjødsellager
• Eventuelle andre tiltak

Vilkår for stimuleringstilskot til landbruket

• Tilskotet kan dekkje inntil 50 % av utgiftene
• Du kan få tilskotet i tillegg til andre tilskot (til dømes BU-midlar eller SMIL-midlar). Samla tilskot kan ikkje overstige 50% av godkjent kostnadsoverslag.
• Der det finst andre tilskotsordningar, må du søkje på dei først
• Nedre kostnadsgrense for å få tilskot er kr 10 000,-

Korleis søkje om stimuleringstilskot til landbruket?

Det er ikkje eige søknadsskjema for ordninga. Ta kontakt med Aukra næringsforum for rettleiing. 

Søknaden skal innehalde

• omfang og føremål med tiltaket
• fullstendig kostnadsoverslag over materialar og arbeidskostnadar
• oversikt over korleis tiltaket skal finansierast
• tekniske planar, utarbeidd av kommunen eller annan fagetat med kompetanse
• skriftlege avtalar med grunneigarar dersom tiltaket er fellestiltak eller der du ikkje sjølv er eigar av eigedomen der tiltaket skal utførast
• opplysningar om det er søkt finansiering gjennom andre ordningar

Kontakt Aukra næringsforum

Frist for å søkje om stimuleringstilskot til landbruket

Frist for å søkje om stimuleringstilskot er 1. mai kvart år.

Retningslinjer for stimuleringstilskot til landbruket

Les retningslinjene (PDF, 139 kB)