Kva er ungdomsrådet i Aukra kommune?

Ungdomsrådet skal vere eit talerøyr og ein felles arena for ungdom. Gjennom demokratiske prosessar skal ungdomsrådet gje ungdomen i Aukra meir innverknad over sin eigen kvardag. Interessene til ungdom i heile Aukra skal takast i vare, og rådet skal vere partipolitisk uavhengig. 

Slik skal ungdomsrådet i Aukra jobbe: 

• Ungdomsrådet skal sjølve få vere med på å skape ungdommane sin eigen framtid gjennom å trygge sine eigne rettar, og drive ungdomspolitikk ut frå sine eigne ønskjer og meiningar. 
• Ungdomsrådet vil gje ungdomane relevant trening i demokratiske spelereglar. 
• Ei viktig oppgåve for ungdomsrådet blir å arbeide for eit godt ungdomsmiljø. 
• Rådet skal vere høyringsinstans i saker som vedkjem barn og ungdom. 
• Ungdomsrådet har talerett i kommunestyret

Om møter i ungdomsrådet

Ungdomsrådet skal som hovurderel ha minst 6 møter kvart år, gjerne i forkant av kommunestyremøte. Det skal kvart år etter valet arrangerast eit seminar for dei nye representantane og vararepresentantane. Målet er å setje dei inn i kva eit ungdomsråd er, og gjere representantane kjende med kvarandre. 

Kven kan delta i møta til ungdomsrådet?

Rådet kan invitere personar frå administrasjonen for å gje orienteringar i viktige saker og gje innspel direkte. Rådet kan også kalle inn mellom anna desse representantane: 

• kontaktpersonen i kommuneadministrasjonen, 
• ordførar, 
• kommunedirektør, 
• kommunen sin barne- og ungdomsrepresentant, 
• ungdomsrepresentantar frå andre politiske parti og organisasjonar i Aukra kommune.

Aukra kommune

Her finn du møteplan og sakliste for ungdomsrådet i Aukra

Reglement for ungdomsrådet finn du i politisk reglement for Aukra kommune (PDF, 766 kB)

BUFdir har laga rettleiar for ungdomsråd