På vegen passerar du Ingridsteinen gravfelt med infotavle. Dette er eit område med mange gravrøyser, ca.50 stk.

Når du går vidare, deler stien seg. Går du til venstre kjem du til Kleivhaugen. I dette området ligg det eit stort bunkeranlegg og kanonstillingar frå 2.verdskrig. Løvika vart veldig prega av utbygging under krigen. Det vart bygd kaianlegg, lagerbygningar og jernbane. Ikkje så langt frå bunkeranlegget vart det bygd flyplass, og området vart bygd ut for å handtere aktivitet, utstyr og personell til den aktiviteten.

Delar av bunkeranlegg og kanonstillingar er no rydda for vegetasjon for å leggje til rette for å bruke området. Det står informasjonsskilt om aktivitet som var her under krigen.