Om turen
Dette er ein flott tur med utsikt over Julsundet, Gossen Oterøya og ein kan sjå heilt til Ona, Bjørnsund og Bud. Solnedgangen frå Svartnakken er nydelig! Turen startar på grusveg bratt oppover og går over til sti mot toppen. Kan opplevast som ein bratt og strevsom tur i starten.
Ruteskildring
Frå parkeringsplassen ved Hola følgjer du gangvegen i retning Fræna ca. 100 meter til du ser stien på høgre sida av gangvegen ved informasjonstavla.
Frå parkeringsplassen ved gamle skulen i Julsundet, går du ca. 300 meter på gangvegen i retning Molde, gjennom vegskjeringa til Hola. Stien er på venstre sida av gangvegen ved informasjonstavla.
Følg grusa sti frå informasjonstavla og opp i skogen. Etter grinda tek du til høgre og følgjer Fjellvegen vidare oppover. På toppen av den bratte bakken (første vegskille) går du til ventre mot Gammelsetra. Stien til Svartnakken tek av til høgre, nokre meter før ein kjem fram på Gammelsetra. Avstikkaren fram på Gammelsetra er å anbefale, flott utsikt! Turen vidare til Svartnakken følgjer ryggen oppover, nokre stader gjennom gamal furuskog (trollskog).
Langs stien opp til Svartnakken kan ein i månadskiftet juni/juli sjå den vakre Nattfiolen blomstre.
Tilkomst og parkering
Parkering på parkeringsplass i Hola. Evt. parkering på parkeringsplass ved gamle skulen i Julsundet, på Fanghol. Ingen parkeringsavgift.