Kort om turen
Eidskremheia er det høgste fjellet i Aukra Kommune (493 m.o.h). Kommunegrensa til Molde går over Eidskremheia. Her er ei fantastisk flott utsikt, ta pauser på turen opp og nyt utsikta. Lomtjønna og Skartjønna ligg i same område og er fine kvileplassar. Turen kan starte i Hola og komme ned på Eidskrem, eller omvendt.
Ruteomtale
Parker på parkeringsplass på austsida av fylkesvegen på Eidskrem. Stien startar då tvers over for avkjøyringa til utleigehyttene på Eidskrem (skilt v. bilvegen). Bratt tung sti opp til det flatar ut.
Gå til høgre over elva og følg merka sti fram til du møter stien som kjem frå Fangholsetra. Følg så stien oppover til toppen, ta så til høgre utover mot Eidskremhemheia.
Du kan også gå frå Fanghol. Parker ved gamleskolen i Julsundet (Fanghol), gå mot Molde ca. 300 m, her starter Fjellvegen ved info.tavla. Turen går opp same veg som til Fangholsetra, derfra til høgre opp P-Skaret vidare ned til høgre til Langmyra. Gå på vestsida av Langmyra og vidare opp ryggen til Eidskremheia. Eit stykke frå Langmyra møter du stien som kjem frå Eidskrem. Oppe på Eidskremheia er det fint å gå vestover etter høgda.
Tilkomst og parkering
Start på Eidskrem. Parkeringsplass både på Eidskrem og på Fanghol.
