Vi startar ved ferjekaia på Aukra, og tek til venstre mot Tangen. Vegen startar nedanfor verdens nordlegaste bøkeskog, Aukraskogen. Vegen langs denne ruta er fin for sykkelturar, då ein ser sjøen heile vegen.

Hjertvika er neste stopp med ei flott badestrand. Badestranda på Horrem er neste alternativ. Dette er ein fin stad for å bade eller raste i ein flott gapahuk der ein kan ete under tak. Les meir om badestrendene i Aukra ved å klikke på denne lenka. 

Sykkelturen går vidare til Småge, her kan de velje å sykle utover mot ferjakaia på Småge eller svinge innom Smågevatnet og Røssøyvågen. Ved Smågevatnet er det også ein fin rasteplass med gapahuk. Her ligg det kanoar og alt utstyr de treng for å ta ein tur med kano på Smågevatnet. NB, Hugs redningsvest!

Her er det også fine turløyper langs med vatnet og opp til Brenslen (33 m.o.h) med panoramautsikt over øya og sjøen. Meir om turen til Brenslen.