Kva kan du klage på?

• At du ikkje har fått den tenesta du ønskjer.
• Forhold ved tenesta du ikkje er fornøgd med.
• Kritikkverdige forhold.
• Saksbehandlinga.

Å klage på eit vedtak

Dersom du har fått avslag på ei helseteneste du meiner å ha rett på, kan du klage. Dette blir kalla ei rettsklage. Ei rettsklage blir send til den avdelinga som har fatta vedtaket. Vedtaket blir då gjennomgått på nytt for å sjå om det bør endrast. Blir ikkje vedtaket endra, sender kommunen automatisk klaga vidare til Statsforvaltaren i Møre og Romsdal, som då vil avgjere saka. 

Å klage på ei teneste

Dersom du er misfornøgd med ei helseteneste du får, for eksempel på sjukeheim, bør du fyrst vende deg munnleg eller skriftleg til leiinga på sjukeheimen. Vêr tydeleg på kva du er misfornøgd med og kva du ønskjer endra.

Når dei som utfører tenesta får klaga din, må dei undersøkje saka og endre tilbodet dersom det ikkje er godt nok. Fører ikkje klaga fram, må du sjølv sende ei skriftleg klage til Statsforvaltaren som gjer ei vurdering av saka.

Kontaktinformasjon Statsforvaltaren i Møre og Romsdal

Les meir om klagegongen hos Statsforvaltaren

Treng du hjelp til å klage?

Treng du hjelp til å klage, kan kommunen hjelpe deg. Du kan også ta kontakt med Pasient- og brukerombudet i Møre og Romsdal. Dei veit kva du har krav på og korleis du går fram for å klage.

Ta kontakt med Pasient- og brukerombodet i Møre og Romsdal.

Lenker til anna informasjon som kan hjelpe deg i klageprosessen

• Statsforvaltaren si nettside om korleis du kan klage på helse og omsorgstenester
• Lov om pasient- og brukerrettigheter seier noko om kva du har krav på og dine rettar som pasient
• Helse- og omsorgstenestelova handlar mellom anna om bruk av tvang
• Pasient- og brukerombudet har informasjon om korleis dei kan hjeøpe pasientar, brukarar og pårørande