Tildelingskriterie for tenester i pleie- og omsorgstenestaTildeling av teneste tek utgangspunkt i Aukra kommune si plikt til å sørge for naudsynte, forsvarlege og verdige tenester til alle som bur eller oppheld seg i kommunen. Lovverk som regulerer tildeling av omsorgstenester Helse- og omsorgstenestelova Forvaltningslova Pasient og brukarrettighetslova Tildelingskriteria er delt inn i tre kategoriar Teneste for heimebuande Omsorgsbustader/Omsorgsbustader med heildøgns omsorg Teneste i institusjon Kriteria sei noko om dei enkelte tenestene når det gjeld følgande kva tenesta inneheld/kan innehalde kva som er føremålet med tenesta kven som er i målgruppa for tenesta relevante vurderingskriterier om det kan krevjast eigenandel for tenesta eller ikkje. Tenestetildelinga tek utgangspunkt i profesjonell og fagleg skjønnsutøving. Kriteria er tenkt som ei rettleiing og hjelp i sakshandsaminga. Dei skal bidra til at sakshandsamar i samarbeid med søkjaren/parten skal kunne vurdere og tydeleggjere kva tenesteområde som vil vere aktuelle og kva tiltak som vil vere best eigna. Desse kriteria er primært meint som eit arbeidsreiskap for tilsette som fattar enkeltvedtak, og andre tilsette i pleie- og omsorg. Siktemålet er å få ei felles forståing for tildeling av kommunale helse- og omsorgstenester. I tillegg vil kriteria vere til opplysning for søkjar/brukar av helse- og omsorgstenesta. Det er dei siste åra lagt fram fleire stortingsmeldingar om framtida si helse- og omsorgstenester. Det er spesielt lagt vekt på brukarmedverknad, førebygging, tidleg innsats og meistring, samt heilskaplege og koordinerte tenester og samhandling. Eit viktig prinsipp for tildeling av tenester vil vere at ein tildeler tenester på lavast effektive omsorgsnivå (LEON-prinsippet). Det vektleggast òg at mindre ressurskrevjande tenester skal vere vurdert og om mogleg prøvd ut før tenester på eit høgare omsorgsnivå vert tildelt. For eksempel skal heimetenester i stort omfang ha vore prøvd før langtidsopphald i institusjon vert tildelt. Føremålet er at innbyggarane skal oppretthalde størst mogleg grad av eigenmeistring og livskvalitet, og at eventuell reduksjon i funksjonsnivå skal førebyggast og motverkast ved først å sette inn tiltak som fremmar eigenmestring. Målet er at den einskilde skal få bu lengst mogleg i eigen bustad. Oversikt over tildelingskriterie for dei ulike tenestene Tenester for heimebuande: Avlasting Avlastning er eit tilbod til omsorgspersonar. Tenesta kan ytast i eller utanfor heimen. Tenesta kan for eksempel omfatte: Praktisk og personleg assistanse. Støttekontakt. Dagaktivitetstilbod. Besøksheim/avlastning i privat heim. Avlastning i institusjon. Kriteriar for tildeling Den omsorgstrengande har rett på kommunale helse- og omsorgstenester. Tiltaket er vurdert å vere det best eigna for den omsorgstrengande. Uavhengig av omsorgsplikt. Omsorgsarbeidet som utførast av privatperson er særleg tyngande som: fysisk og/eller psykisk krevjande. har vart over tid eller forventast å vare i lang tid. fører til sosial isolasjon, og mangel på ferie og fritid. Søkjar/omsorgsgjevar står i fare for å måtte slutte i vanleg arbeid, arbeide mindre enn før eller kan ikkje starte i ordinært arbeid pga. omsorgsarbeidet Eigenbetaling Nei BPA (brukarstyrt personleg assistent) Innhald Som praktisk hjelp. Støttekontakt og avlastning for foreldre kan inngå i tenesta. Heimetenester kan inngå etter konkret vurdering av behov for helsehjelp. Kriteriar for tildeling Søkjar har langvarig bistandsbehov (over 2 år) og omfattande behov for hjelp. Søkjar kan ta rolla som arbeidsleiar, eller ha ein representant som kan ivareta rolla for seg. Tenesta er vurdert til å vere den mest eigna. Søkjar er under 67 år. Eigenbetaling Nei Dagsenter for eldre Tilbod om sosial aktivisering og næringsrike måltid i eit fellesskap Kriteriar for tildeling Søkjar har behov for å delta i aktivitetar og sosialt samvær Søkjar må kunne fungere i daglege gjeremål med tilrettelegging Søkjar må kunne bevege seg med eller utan hjelpemiddel Eigenbetaling Ja Dagsenter psykisk helse og rus Kriteriar for tildeling Tilbod om sosial aktivisering og næringsrike måltid i eit felleskap. Lavterskeltilbod (utan enkeltvedtak). Habilitering utanfor institusjon/ tiltak for personar med psykisk utviklingshemming Kriteriar for tildeling Søkjar har ein medfødt eller erverva skade/sjukdom Kartlegging har avdekt potensiale for å oppretthalde/auke funksjonsnivået hos søkjar. Heimesjukepleie Utføre heimesjukepleie (somatisk og psykisk) som til dømes: medisinering/medisinhandtering. medisinsk behandling. utføre sår stell. ernæringsbistand. hjelp til personleg hygiene. palliativ behandling. samtalar, råd og rettleiing individuelt og i grupper. Kriteriar for tildeling Grunna sjukdom og eller funksjonsnedsetting kan søkjar ikkje sjølv: ivareta eiga helse-/ pleie-/omsorgsbehov oppsøke helsehjelp på eiga hand utanfor eigen bustad Eigenbetaling Nei Matombringing Kriteriar for tildeling Søkjar har vanskar med å lage seg mat grunna fysisk eller kognitiv funksjonsnedsetting Søkjar har kjent dårleg ernæringstilstand Søkjar har vektnedgang Eigenbetaling Ja Omsorgsløn Omsorgsløn er løn til privatpersonar, f.eks. ektefelle eller andre pårørande, som har særleg tyngande omsorgsarbeid. Uavhengig av omsorgsplikt. Omsorgsløn er ei vurdering ut ifrå skjønn som ikkje er lovpålagd. Kriteriar for tildeling Den som yt omsorg må ha særleg tyngande omsorgsoppgåver. Moment som må vurderast: arbeidet har eit visst omfang. oppgåvene er meir fysisk eller psykisk belastande enn vanleg. korleis omsorgsarbeidet er fordelt over tid, om det skjer i periodar eller heile tida. om det fører til sosial isolasjon, og mangel på ferie og fritid. for foreldre med mindreårige barn, vil det berre vere aktuelt med omsorgsløn dersom omsorga klart overstig vanleg omsorg for barn på same alder. Omsorgsarbeidet gjeld naudsynte omsorgsoppgåver. Moment som må vurderast: om den omsorgstrengande har rett på kommunale helse- og omsorgstenester. om søkjar utfører omsorgsarbeid som elles kunne vore under dei kommunale helse- og omsorgstenestene. omsorg frå søkjar er det beste for den omsorgstrengande. den omsorgstrengande si meining skal leggast stor vekt på. omsorgsgjevar vurderast til å vere eigna til å yte naudsynt/forsvarleg omsorg. omsorgsløn vurderast som det beste/mest tenlege opp mot andre kommunale. tenester og tiltak. Praktisk hjelp til daglege gjeremål (heimehjelp) Kriteriar for tildeling Utføre praktiske gjeremål i hushald som til dømes å gjere vanleg husarbeid. Søkjar har nedsett evne til å utføre praktiske daglege gjeremål som følge av sjukdom, skade, funksjonstap eller alderssvekking. Søkjar er heilt avhengig av praktisk hjelp for å utføre ein eller fleire oppgåver i kvardagen. Eigenbetaling Ja. Praktisk hjelp – opplæring Opplæring og rettleiing som til dømes: skaffe seg varer og tenester. mobilitet innan- og utandørs. sosial deltaking. økonomi. rettleiing i å bu. Kriteriar for tildeling Søkjar har nedsett evne til å utføre praktiske og/eller personlege gjeremål i dagleglivet som følge av sjukdom, skade, funksjonstap eller alderssvekking. Søkjer er helt avhengig av personleg og/eller praktisk hjelp for å ivareta ein eller fleire oppgåver. Ein kan rekne med ei auke i ferdigheiter ved å gje opplæring i dei aktuelle gjeremåla. Eigenbetaling Nei. Kvardagsrehabilitering Kriteriar for tildeling Søkjar har utfordringar med å meistre kvardagsaktivitet og er motivert til å meistre dei sjølv. Eksempel: lage mat, hente posten, gå på butikken, stelle huset eller gå på besøk. Støttekontakt Ein støttekontakt følger brukar til aktivitetar og sosialt samvær, for å oppretthalde kontakt med familie og vener, deltaking på fritidsaktivitetar m.m. Kan tildelast som organisert deltaking i aktivitetsgrupper og individuelt tilrettelagde tilbod. Kriteriar for tildeling Søkjar har fysisk- eller psykisk funksjonsnedsetting. Søkjar kan ikkje oppretthalde kontakt/delta på aktivitetar utan hjelp. Eigenbetaling Nei. Velferdsteknologi Kriteriar for tildeling Søkjar må bu i bustad som har tilgang på internett (og 4G mobilnett) Søkjar har behov for helsehjelp og praktisk bistand Søkjar har behov for å oppnå rask kontakt med hjelpeapparatet Informert samtykke må innhentast frå brukar/pårørande Eigenbetaling Ikkje eigenbetaling når behovet vert definert som naudsynt helsehjelp Les meir om velferdsteknologi i Aukra kommune Omsorgsbustad Omsorgsbustad Alle har i utgangspunktet eit ansvar for å planleggje og leggje til rette for eigen alderdom, som til dømes sal av eigen bustad og kjøp av tilrettelagt bustad. Omsorgsbustad er tilpassa personar med bevegelseshemming og tilrettelagt slik at bebuaren kan ta imot tenester frå kommunen etter behov. Kriteriar for tildeling Søkjar bur eller oppheld seg i kommunen. Søkjar må først prøve alle private løysingar og sjå at dei ikkje er mogleg å gjennomføre. Søkjar må vere heimebuande. Søkjar skal som hovudregel vere fylt 18 år. Søkjar har sjukdom og/eller funksjonsnedsetting. Søkjar har nedsett evne til å utføre praktiske og/eller personlege gjeremål i dagleglivet. Søkjar kan ikkje sjølv ivareta eiga helse-/ pleie-/ og omsorgsbehov. Dagens bustad er lite funksjonell: Søkjar har store vanskar med sjølv å skaffe seg eigna bustad i ordinært bustadmarkad Kan vere eit førebyggande tiltak for at søkar skal klare seg betre sjølv i eigen bustad. Eigenbetaling Husleige. Omsorgsbustad med heildøgns omsorg Alle innbyggjarar har i utgangspunktet eit ansvar for å planleggje og leggje til rette for eigen alderdom. Omsorgsbustad er tilpassa personar med bevegelseshemming, og tilrettelagt slik at bebuaren kan få tenester frå kommunen etter individuelle behov. Omsorgsbustad med heildøgns omsorg ligg i Aukra Omsorgssenter og er knytt til pasientvarslingssystemet som institusjonsbebuarar nyttar. Det er til ei kvar tid helsepersonell i Aukra Omsorgssenter, og det kan innebere kortare tid på tilgang til ikkje planlagd bistand, som kan oppstå undervegs. Tenestemottakar mottek tenester etter enkeltvedtak på teneste etter ei behovskartlegging. Kriteriar for tildeling Søkjar bur eller oppheld seg i kommunen. Søkjar må først prøve ut at private løysingar ikkje er mogleg å gjennomføre. Søkjar må vere heimebuande. Søkjar skal som hovudregel vere fylt 18 år. Søkjar har sjukdom og/eller funksjonsnedsetting. Søkjar har nedsett evne til å utføre praktiske og/eller personlege gjeremål i dagleglivet. Søkjar kan ikkje sjølv ivareta eiga helse-/ pleie-/ og omsorgsbehov. Dagens bustad er lite funksjonell: Søkjar har store vanskar med sjølv å skaffe seg eigna bustad i ordinært bustadmarkad. Kan vere eit førebyggande tiltak for at søkjar skal klare seg betre sjølv i eigen bustad. Eigenbetaling Husleige. Tenester i institusjon Avlastningsopphald Opphald i institusjon. Skal gi privat omsorgsytar avlastning/fritid og ferie/moglegheit til å ivareta eiga helse. Regelmessige eller enkeltståande opphald. Kriteriar for tildeling Den omsorgstrengande har rett på kommunale helse- og omsorgstenester. Brukar klarer seg ikkje heime åleine utan døgnkontinuerlig bistand frå privat omsorgsytar. Ikkje tilstrekkeleg å sette inn anna bistand i heimen. Brukar har fysisk og/eller kognitivt funksjonstap. Kan utsette søknad om langtidsopphald. Privat omsorgsytar har særleg tyngande omsorgsoppgåver. Eigenbetaling Nei. Korttidsopphald Kriteriar for tildeling Behov for heildøgns oppfølging i ei periode. Fysisk og/eller kognitivt funksjonstap. Kartlegging av omsorgsevne. Behandling av sjukdom. Medisinskfagleg vurdering av lege. Særskilt behov for opptrening/rehabilitering. Utsette behov for langtidsopphald. Eigenbetaling Fast beløp per døgn inntil 60 døgn. Langtidsopphald Den som har varig helsesvikt med omfattande behov for pleie og medisinsk behandling og ikkje kan bu heime med tilrettelagte tenester, kan søkje om langtidsplass i sjukeheim. Betaling for langtidsopphald skjer i forhold til inntekt, pensjon, renteinntekt o.l. Kriteriar for tildeling Behovet for medisinsk behandling og/ eller sjukepleie må være av så omfattande karakter at det er behov for heildøgns pleie og omsorg i institusjon. Andre aktuelle hjelpetiltak skal være vurdert før langtidsplass i sjukeheim vert innvilga, som til dømes: Tilpassing av bustad, evt. skal alternativt butilbod vere vurdert iht. søkjar sin fysiske, psykiske og sosiale situasjon. Tilrettelegging av hjelp i heimen, til dømes heimesjukepleie og/eller heimehjelp. Korttids enkeltståande opphald eller regelmessig avlastning i sjukeheim. Familiesituasjon og nettverk skal vere kartlagt. Sosiale støttetiltak, til dømes dagsenter. Tryggleiksskapande tiltak, til dømes tryggleiksalarm/velferdsteknologi. Eigenbetaling Fast prosent av inntekt. Tidsavgrensa opphald i akutt situasjon (KAD Molde) KAD - Kommunalt akutt døgntilbod. I staden for sjukehusinnlegging – betre eller like godt tilbod. Fastlege, legevaktlege eller akuttmottaket på sjukehuset legg inn pasient. Liggetid inntil 72 timar. Publisert 15.04.2021 11.41 Sist endra 15.06.2023 00.20