Tilbod til pårørande av personar med demenssjukdomKva for tilbod har Aukra kommune for pårørande av personar med demenssjukdom? Ved demenssjukdom, eller mistanke om demenssjukdom, har pårørande og omgjevnadene behov for kunnskap og støtte. I Aukra kommune har vi ulike tilbod som kan vere til hjelp for pårørande til personar med demens: Dagsenter Avlastning Demenskoordinator Hjelpemiddel Velferdsteknologi Samtalegruppe Smsorgstønad Heimesjukepleie Pårørandeskole mm. Korleis få tilbodet? Ta gjerne kontakt, så kan vi i samarbeid finne ut kva som vil vere teneleg for akkurat dykk. Kontakt demenskoordinator Pårørande si betydning Pårørande sin innsats har mykje å seie både for den som er sjuk og for samfunnet. Dei gjev omsorg til den som er sjuk, og bidreg ofte med organisering av dagleglivet, kontakt med helsevesenet og praktisk hjelp. Mange er i pårøranderolla over svært lang tid., frå dei første symptoma på demens er merkbare, til personen er heilt avhengig av omsorg og hjelp frå andre. Dette kan ta fleire år. Informasjon om demens Kva er demens? Demens skuldast hjerneskadar som kan kome av fleire ulike hjernesjukdomar. Den mest kjente og vanlegaste demenssjukdommen er Alzheimers sjukdom. Vaskulær demens, frontallapps-demens og Lewylegeme-demens, er døme på andre sjukdommar som gjev demens. Demenssjukdommar er mest vanleg i høg alder, men nokon får også demens før pensjonsalder. I Norge er det i dag ca. 78.000 menneske som har ein demenssjukdom. Kva er dei vanlegaste symptoma? Det er eit grenseland mellom kva som er normale aldersbetinga forandringar i hjernen og demenssjukdom. Denne fasen vert kalla mild kognitiv svikt, og det kan være ein risikofaktor for utvikling av demens. Tidlege teikn på demens: Vanskar med å utføre vanlege, daglegdagse oppgåver Språkvanskar, særskilt med å hugse namn på ting eller personar Problem med merksemd og konsentrasjon Vanskar med å hugse tid og stad Svekka dømmekraft, t.d. vanskar med økonomi Svikt i hugsen som påverkar arbeidsevnen Vanskar med abstrakt tenking Feilplassering av gjenstandar Forandringar i humør Atferdsendringar Tap av initiativ og engasjement Les mer om symptomer på demens på Nasjonalforeninga for folkehelsa si heimeside. Korleis får eg undersøkt om eg har demens? Dersom du opplever endringar i hugsen eller har andre symptom eller teikn som kan tyde på ein demenssjukdom, er det viktig å bli undersøkt hos lege. Dette er viktig for å finne ut årsaken for endringane. I nokre tilfelle kan det dreie seg om andre sjukdommar eller tilstandar som er muleg å behandle. Dersom det er ein demenssjukdom, kan det vere aktuelt å prøve ut medisinar. For den som får ein demenssjukdom og pårørande er det nyttig å få høve til å lære meir om sjukdommen, og å få kjennskap til tilbod og tenester som gjer kvardagen betre. Mange kan leve godt med sin demenssjukdom i lang tid. Nasjonale nettsider om demens Nasjonalforeininga for folkehelsa Aldring og helse - Nasjonal kompetanseteneste Helsenorge Meir informasjon Helsenorge har laga ei side om det å vere pårørande av personar med demenssjukdom. Her finn du og ei oversikt over tilbod til pårørande som fins i Noreg. Gå til pårørendesida på helsenorge.no Sist endra 15.06.2023 00.27