Denne artikkelen er over 1 år gamal og kan innehalde utdatert informasjon
Kva gjer ein demenskoordinator?
- Gjev støtte, råd og rettleiing
- Er eit bindeledd mellom deg som har demens, dine pårørande og hjelpeapparatet
- Gjev informasjon om tilbod og tenester
Personar med demens og deira pårørande skal oppleve at møtet med hjelpeapparatet er forutsigbart og trygt. Demenskoordinatoren samarbeider med fastleger, spesialisthelsetjenestene og andre i helse – og omsorgstjenesten, blant anna om utredning og oppfølging etter diagnose. Demenskoordinator kan gje råd om demens, både til den som er sjuk, pårørande og helsepersonell.
Personar med demenssjukdom eller kognitiv svikt er ikkje ei einsarta gruppe. Dei har som alle andre ulike behov og interesser. God demensomsorg handlar om å møte den enkelte der ho eller han er.
Kven kan ta kontakt med demenskoordinator?
Alle som har spørsmål eller behov for å snakke om demens, kan ta kontakt. du treng ikkje tilvising. Unngå sensitive opplysningar, når du tek kontakt per e-post.
Kontakt demenskoordinator
Informasjon om demens
Demens skuldast hjerneskadar som kan kome av fleire ulike hjernesjukdomar. Den mest kjente og vanlegaste demenssjukdommen er Alzheimers sjukdom. Vaskulær demens, frontallapps-demens og Lewylegeme-demens, er døme på andre sjukdommar som gjev demens.
Demenssjukdommar er mest vanleg i høg alder, men nokon får også demens før pensjonsalder. I Norge er det i dag ca. 78.000 menneske som har ein demenssjukdom.
Det er eit grenseland mellom kva som er normale aldersbetinga forandringar i hjernen og demenssjukdom. Denne fasen vert kalla mild kognitiv svikt, og det kan være ein risikofaktor for utvikling av demens.
Tidlege teikn på demens:
- Vanskar med å utføre vanlege, daglegdagse oppgåver
- Språkvanskar, særskilt med å hugse namn på ting eller personar
- Problem med merksemd og konsentrasjon
- Vanskar med å hugse tid og stad
- Svekka dømmekraft, t.d. vanskar med økonomi
- Svikt i hugsen som påverkar arbeidsevnen
- Vanskar med abstrakt tenking
- Feilplassering av gjenstandar
- Forandringar i humør
- Atferdsendringar
- Tap av initiativ og engasjement
Les mer om symptomer på demens på Nasjonalforeninga for folkehelsa si heimeside.
Dersom du opplever endringar i hugsen eller har andre symptom eller teikn som kan tyde på ein demenssjukdom, er det viktig å bli undersøkt hos lege. Dette er viktig for å finne ut årsaken for endringane. I nokre tilfelle kan det dreie seg om andre sjukdommar eller tilstandar som er muleg å behandle.
Dersom det er ein demenssjukdom, kan det vere aktuelt å prøve ut medisinar. For den som får ein demenssjukdom og pårørande er det nyttig å få høve til å lære meir om sjukdommen, og å få kjennskap til tilbod og tenester som gjer kvardagen betre. Mange kan leve godt med sin demenssjukdom i lang tid.
Aukra demensforeining
Aukra demensforeining er eit lokallag av Nasjonalforeininga for folkehelsa. Foreininga er ein frivillig organisasjon som samarbeider med Aukra kommune om ulike tilbod og aktivitetar for personar med demenssjukdom og deira pårørande:
- Demensvenleg samfunn
- Opne møter
- Samtalegrupper
- Aktivitetsvenordninga
- Pårørendeskole
- Lørdagscafè
Gå til Aukra demensforeining på Facebook
Sist endra 15.06.2023 00.27