Føremål

Med denne rettleiaren ønsker Aukra å løfte arbeidet med å førebygge radikalisering og valdeleg ekstremisme. Rettleiaren er meint å gje informasjon om korleis ein kan møte, førebygge og følge opp radikalisering og utvikling av valdeleg ekstremisme. Rettleiaren skildrar ei handlingsløype frå bekymring til handling, frå dei lokale og relativt enkle tiltaka, til tyngre innsatsar i tverrfagleg samarbeid med relevante aktørar. Den skal gjer det enklare å gje rask respons når utfordringar oppstår.

Målgruppe

Målgruppa er tilsette i skolen, barnevernet, politiet, helsevesenet, kultur og fritid m.m. Rettleiaren rettar seg primært mot aktørar i førstelina, men den er også retta mot sivilsamfunnet. Det kan vere føresette, familiemedlemmar, vener, naboar, kollegaer og/eller nokon i foreiningar, meinigheita eller fritidsarenaen som er bekymra over aukande grad av radikalisering hos eit barn eller ein ungdom/vaksen.

Samarbeidspartar

Rettleiaren er utarbeidd i samarbeid mellom Aukra kommune, Møre og Romsdal politidistrikt, RVTS midt og Molde kommune. Under utarbeidinga har vi sett til Regjeringa sin handlingsplan mot radikalisering og valdeleg ekstremisme, rettleiaren til Tromsø kommune 2018 og rettleiaren til Molde kommune 2016.

Kva gjer eg ved bekymring?

Dersom du er bekymra for at ein person er i ein radikaliseringsprosess, er det ei rekke ressursar og instansar du kan støtte deg til i kommunen og hos lokalt politi. Det skal vere ein låg terskel for varsling ved bekymring. Her er nokon forslag til handtering, både som privatperson og som tilsett. 
 

Rettleiar ved bekymring for radikalisering og valdeleg ekstemisme. (PDF, 3 MB)