Omtale

Alle som likar å snakke om bøker er velkommen til Open lesesirkel på biblioteket. Du treng ikkje kunne mykje om litteratur, det held at du har lese boka.

Denne gongen snakkar vi om "Morgon og kveld" av Jon Fosse. Du kan låne boka på biblioteket.

Har du hatt lyst til å lese Jon Fosse, men tenkt at bøkene er for vanskelege? Då er dette boka for deg! "Morgon og kveld" er ein liten roman på berre 100 sider, men den er veldig vakker og rommar mykje. Ei perle av ei bok og lett å lese!

Forlaget skriv: “Eit barn, som skal heite Johannes og bli fiskar, blir fødd. Ein gammal mann, som heiter Johannes og har vore fiskar, døyr. Mellom dei to ytterpunkta i eit menneskeliv, fødsel og død, spenner denne konsentrert komponerte romanen seg ut i stort format. ”

Arrangementet er gratis.

Påmelding

Om du blei nysgjerrig på denne boka er du velkommen til vår opne lesesirkel.  Meld deg på til biblioteket, e-post biblioteket@aukra.kommune.no eller ring/send SMS til 414 73 943.